အမြစ်တွေ ရှည်လျားလွန်းလိုက်တာ...
ငါဟာ ဘာသစ်ပင်ပါလိမ့်ကွယ်။
မျှော်လင့်ချက်တွေကလည်း
သစ်ရွက်တွေလိုပဲ...
တဖွဲဖွဲကြွေ။
ဒီက...
လေပြေလေညင်းတိုက်မှာကိုတောင်
ကြောက်နေရတဲ့ ကောင်ပေါ့။
နေ့ခင်းကြောင်တောင်မှာမှ
အလွမ်းတွေက တောမှောက်ရက်လေတယ်။
တစ်ဖက်သတ်ပဲ စိမ်းလန်းခွင့်ရတဲ့
ဟောဒီ တောအုပ်ထဲမှာ
ငါ ဘာလို့ ဆက်ရှင်သန်မှာလဲ?
လူတွေရဲ့ မျက်ဝန်းကိုက ညှီစော်နံတယ်။
ထားလိုက်ပါတော့လေ...
မနက်ဖြန်ဆိုရင်ပဲ
မနက်ဖြန်ဟာ ဒီကနေ့ဖြစ်တော့မယ်...။
နာကျင်ခြင်းဆိုတဲ့ အမြစ်တွေနဲ့
မြေကြီးနက်နက်ထဲ တွယ်ကုပ်
ဟောဒီမှာ
မျက်ရည်တွေနဲ့ ငုတ်တုတ်ခြောက်ခဲ့ရတဲ့ သစ်ပင်ဟာ
ငါပါပဲ....။
0 comments:
Post a Comment