အင်းဝခေတ် ရှင်မဟာသ

ပထမအင်းဝခေတ် ပေလေးပင်၊ ရှင်လေးပါး-ဟူ၍ စာပေတွင် ထင်ရှားကျော်ကြားသော ရဟန်းစာဆို ရှင်လေးပါးဖြစ်သော-
(၁) ရှင်မဟာသီလဝံသ
(၂) ရှင်အဂ္ဂသမာဓိ
(၃) ရှင်မဟာရဋ္ဌသာရ
(၄) ရှင်ဥတ္တမကျော်
စာဆိုရှင် ပုဂ္ဂိုလ်လေးပါးတွင် ရှင်မဟာသီလဝံသ ပါဝင်တော်မူသည်။

ပထမအင်းဝခေတ် နရပတေ့မင်း လက်ထက်က စာပေကျမ်းဂန်တို့တွင် တတ်မြောက်တော်မူသော ထိုစာဆိုရှင်လေးပါးကို ကိုးကွယ်တော်မူသည်။ ထိုအင်းဝခေတ်တွင် ပျို့၊ ကဗျာ၊ လင်္ကာ၊ ရတု သီဆိုမှုတို့ ထွန်းကားတိုးတက်လျက်ရှိသည်။

ထိုခေတ်တွင် စာပေပညာအရာ၌ တတ်မြောက်ကြသော စာဆိုရှင်များမှာ ပထမမင်းခေါင်ကြီး၊ အဲဒူမင်းညို၊ ရခိုင်မင်းသမီး၊ ရှင်ရဲသူ၊ သခင်ထွေး၊ ရှင်ထွေးညို၊ ရှင်ဥတ္တမကျော်၊ ရှင်မဟာသီလဝံသ၊ ရှင်မဟာရဋ္ဌသာရ၊ ရှင်ခေမာ၊ ရှင်အုံးညို၊ ဝံတော်လယ်ဘုန်းကြီး၊ ကန်တော်မင်းကျောင်းဆရာတော်၊ အရှင်တေဇောသာရ၊ ရှင်အဂ္ဂသမာဓိ၊ ရှင်ဣန္ဒဂုတ္တ၊ မိညို၊ မိဖြူ-တို့ ဖြစ်ကြပါသည်။

ရှင်မဟာသီလဝံသ ရေးသားသောစာပေများမှာ-
(၁) ပါရမီတော်ခန်းပျို့
(၂) ဆုတောင်းခန်းပျို့
(၃) တောင်တွင်းလားပျို့
(၄) ဗုဒ္ဓုပ္ပတ္တိပျို့
(၅) ဓမ္မပါလပျို့
(၆) ရာဇဝင်ကျော်
(၇) ပါရာယနဝတ္ထု
(၈) မဟာရဟနီတိ
(၉) ရွှေနနန်းကြော့ရှင် နန်းဘွဲ့မော်ကွန်း
(၁၀) တံတားဦးတည် မော်ကွန်း
(၁၁) မိတ္ထီလာ သျှိသျှားကန်ဘွဲ့ မော်ကွန်း
(၁၂) ထူပါရုံဘုရား ကျောက်စာ
(၁၃) ရတနာဗိမာန်ကျောင်း ကျောက်စာ စသည်တို့ ဖြစ်ပါသည်။


ပါရမီတော်ခန်းပျို့တွင် အနုမာန၊ မျက်ရမ်းဆ၊ လမ်းရိုးဟောင်းထွင်၊ ဆင့်ကာထွင်လို့၊ သုတ်သင်ကာမျှ၊ လွယ်ကာရ၊ ပခုံးညွန့်ဖူး၊ စစ်မြေမှူး၊ ခြေသုတ်ပဆိုး၊ မြွေစွယ်ကျိုးနှင့်၊ ချိုကျိုးနွားလား၊ ဒွန်းစဏ္ဍား၊ အကျယ် အကျယ်၊ မငြိမ်းဖွယ်၊ စကားသစ္စာ၊ မှန်သောကာလ၊ သြဇာလေးနက်၊ ပေါ်ဆီတက်၍၊ ခွဲဝေကြောင်းဖြာ၊ နှီးသို့ဖြာ-ဟူ၍ ဖွဲ့နွဲ့စပ်ဆိုထားသည်။


ထိုစာပိုဒ်မှ “ခြေသုတ်ပုဆိုး၊ မြွေစွယ်ကျိုး၊ ချိုကျိုးနွားလား၊ ဒွန်းစဏ္ဍား၊ အကျယ်အကျယ် မငြိမ်းဖွယ်-ဟူသော စကားရပ်များကို လူအများက ယခုတိုင် ပုံခိုင်းပြောဆိုလေ့ရှိသည်။

ရှင်မဟာသီလဝံသသည် ရှင်ဥတ္တမကျော်နှင့်အတူ တောင်တွင်းကြီးမြို့ အရှေ့မြောက် ထူပါရုံဘုရားနှင့် ငှက်ပစ်တောင်တောရအနီး ထူပါရုံကျောင်းတွင် ငယ်စဉ်ကာလကပင် စာပေကျမ်းဂန်တို့ကို သင်ကြားတော်မူသည်။


သက္ကရာဇ် (၇၆၃-၇၈၃)ခုနှစ် နန်းတက်သော ပထမမင်းခေါင်လက်ထက်တွင် ရှင်မဟာသီလဝံသသည် အင်းဝမြို့ကိုရောက်ရှိရာ ဘုရင်ကိုးကွယ်မှုကို ခံယူရရှိသည်။
“တောင်းကိုမဖောက်၊ တောင်ကိုဖောက်၊ စိန်ကျောက်အသွင် သီလဝံ”ဟု အင်းဝခေတ်တွင် ထင်ပေါ်ကျော်ကြားသော ရှင်မဟာသီလဝံသသည် သက္ကရာဇ်(၈၁၅)ခုနှစ်တွင် မွေးဖွားပြီး သက္ကရာဇ်(၈၈၀)ခုနှစ် သက်တော် (၆၅)နှစ်တွင် ပျံလွန်တော်မူသည်။


ရှင်မဟာသီလဝံသ၏ အရိုးအိုးပြာသာဒ်သည် စစ်ကိုင်းမြို့မှ ရွှေဘိုမြို့သို့သွားသော ကားလမ်း ပန်းပဲတန်းရပ် ကားလမ်းဘေးတွင် မြေအကျယ် ၂၅-ပေခန့်ရှိ မြေကွက်လပ်၏ အလယ်တည့်တည့်တွင် အမြင့်ပေ ၁၅-ပေခန့် မြင့်သော အုတ်ပြာသာဒ် တည်ဆောက်ထားသည်ကို တွေ့မြင်ခဲ့ရကြောင်း ရေးသားတင်ပြ လိုက်ပါသည်။